-
Ferskingkurs i friluftsliv
Ønskjer du å vere meir ute i naturen? Treng du ei oppfrisking i friluftsliv, eller du vil lære deg korleis bruke kart og kompass, primus, eller effektiv båltenning? DNT Valdres, Vang frivilligsentral og Vang turlag inviterer til ferskingkurs i friluftsliv, 4 måndagskveldar i april og mai.
Vårprogrammet er lansert!
Med midlar frå Sparebankstiftelsen DNB har frivilligsentralen i 2020 fokus på mestring og læring. Vårens program i samarbeid med biblioteket gir også plass til både musikk, litterære arrangement, og andre gode møteplassar og opplevingar.Vi startar allereie 29.1 med eit foredrag med forfattar og mataktivist Thomas Horne, kor vi skal lære kunsten å ikkje kaste mat. Seinare skal vi lære om skredfarevurdering av Leif Øyvind Solemsli, om gode presentasjonsteknikkar av skodespelar Nina Schjeide, og om redesign av Veronica Glitsch. Sistnemnte på ein stor reparasjonsverkstad der folk skal få hjelp til å fixe både tekstilar, tururtstyr og ei rekke andre ting.
Det blir mykje musikk i februar; først ein konsert med Oddbjørn Skeie og Gyda Grøndalen, og så får vi besøk av Kouame Sereba i høve morsmålsdagen. Før påske får du presentert god krimlitteratur av Bokfinkene, 6-åringane skal som alltid få vere med på Bokleik, og alle ungar kan få vere med på aktivitetar i vinterferien, og på Sommarles-kampanjen.
Vi held på tradisjonen med sykkelmekking, og ein stor fleirkulturell vårfest med mykje god mat frå heile verda. Nytt av året er ein pøbbprat (kafédialog) der vi gjerne vil få flest mogeleg med på å diskutere kva vi vil med Vang inn i framtida.
Vi har mange gode samarbeidspartnarar med oss på vårens program, og fleire av arrangementa som frivilligsentralen bidreg på vil finne stad andre plassar enn i våre eigne lokalar.
Elisabeth Sparstad held fram med norsktime kvar onsdag, lekseklubben er ope kvar tysdag, og lesesirkelen held fram med plass for både nye og gamle lesarar. Velkomen til ein spanande vår på biblioteket og frivilligsentralen i Vang!
Del på:
-
Klesbyttedagen 2024
Laurdag 27. april kl. 10 – 14 er det klart for klesbytting på Vang folkebibliotek!
-
Frivilligsentralen inviterer frivillige lag i Vang til kurskveld
Mange aktive lag skapar mykje liv og røre i bygda vår. Å sitte i eit styre i eit frivillig lag kan vere veldig givande og lærerikt, det kan også by på nokre utfordringar. Korleis få til god arbeidsfordeling? Korleis synleggjere aktivitetane sine? Korleis kan ein forenkle regnskapsarbeidet? Og korleis rekruttere nye styremedlemmer?? Torsdag 18. april kl 18-21 inviterer vi laga til Vang folkebibliotek for å utveksle erfaringar og få innspel om dette og meir til.
-
MØTEPLASSEN
Torsdag 11. april kl. 14 ønskjer vi velkomen til nytt treff med felles middag og aktivitetar! Denne gongen møtast vi på Mjøsvang Kafé.
-
Påske
💛Frivilligsentralen tar no ferie og held stengt heile påskeveka.