-
Politikarpraten #2
Har du innspel til politikarane i Vang? Velkomen til uformell samtale med representantar frå dei politiske partia i forkant av kommunestyremøta!
Hausten er spikra!
Velkomen til ein ny haust med mykje spanande på programmet!Haustens program på Vang folkebibliotek og Vang frivilligsentral sparkast i gong med ein heidundrande litteraturfest, som biblioteket arrangerer i samarbeid med dei andre Valdresbiblioteka. Eit rikhaldig program, der litteraturen står i fokus, gjennom dei komande tre vekene.
Etter litteraturfesten har vi gleda av å vere med på to samarbeidsprosjekt. Først ut er Hausttakkefesten som Vinjerock arrangerer, med lokalmatmarknad, foredrag og aktivitetar 25. september utanfor og inne i biblioteket. 8. oktober inviterer Frisklivssentralen til markering av Verdensdagen for psykisk helse.
I haustferien blir det aktivitetar av ymse slag, og veka etter vil vi også sette fokus på leiken. Då ladar vi nemleg opp til årets TV-aksjon, der tema er Barn, ikkje brud. Årets haustutstilling byr på eit gjensyn med fotograf Erling Sand, som gjesta Vang for nokre år sidan til stor begeistring. Også Trio Gyllensvärd kjem tilbake med sin vakre musikk.
Sist på hausten byr vi på vinkingblot (hjelpesmeg), eit slags foredrag med Ragnhild Lund og Jon Heimlid, før vi avsluttar med den tradisjonsrike bokkvelden med utdeling av årets positivpris.
Nytt blant dei faste aktivitetane er at Oddbjørn Skeie inviterer til samspel på gitar kvar måndag kl 15. Her kan du kome om du vil lære deg å spele, eller jamme saman med andre. Teiknekollektivet held fram med sine teiknekveldar, annankvar måndagskveld. Tysdagar blir det både lekseklubb og strikkekafé, og frå oktober satsar vi på å dra i gang både datakafé og språkkafé – om vi klarer å rekruttere ein gjeng med frivillige. Kanskje du vil bidra??
Vi har framleis plassrestriksjonar, så om du vil sikre deg plass kan det vere lurt å melde seg på. Heile programmet kan du laste ned her – og meir informasjon om det enkelte arrangement finn du på nettsidene våre etter kvart som det nærmar seg.
Del på:
-
Ferskingkurs i friluftsliv
Ønskjer du å vere meir ute i naturen? Treng du ei oppfrisking i friluftsliv, eller du vil lære deg korleis bruke kart og kompass, primus, eller effektiv båltenning? DNT Valdres, Vang frivilligsentral og Vang turlag inviterer til ferskingkurs i friluftsliv, 4 måndagskveldar i april og mai.
-
Klesbyttedagen 2024
Laurdag 27. april kl. 10 – 14 er det klart for klesbytting på Vang folkebibliotek!
-
Frivilligsentralen inviterer frivillige lag i Vang til kurskveld
Mange aktive lag skapar mykje liv og røre i bygda vår. Å sitte i eit styre i eit frivillig lag kan vere veldig givande og lærerikt, det kan også by på nokre utfordringar. Korleis få til god arbeidsfordeling? Korleis synleggjere aktivitetane sine? Korleis kan ein forenkle regnskapsarbeidet? Og korleis rekruttere nye styremedlemmer?? Torsdag 18. april kl 18-21 inviterer vi laga til Vang folkebibliotek for å utveksle erfaringar og få innspel om dette og meir til.
-
Påske
💛Frivilligsentralen tar no ferie og held stengt heile påskeveka.