-
Opningstider i jula
Frivilligsentralen stenger i jula, men biblioteket har noko ope - med litt ekstra kos å by på.
TV-aksjonen 2024
Årets TV-aksjon går til Barnekreftforeningen. Dei skal bygge familiehus ved dei store sjukehusa slik at barn med alvorleg sjukdom kan få vere saman med familien sin. Slik kan du delta i aksjonen i Vang:Bygg for barnekreftforeningen
Bygg eit hus i valfritt materiale, t.d. lego, pinner, treklossar, korthus, trehytte i skogen osv. Ta bilete av huset og send til 46 81 64 73 eller frivilligsentralen@vang.kommune.no innan 14. oktober. Alle bileta blir publisert på facebook, og for kvart byggverk gir byggebedriftene 50,- til TV-aksjonen. Vi har fått 14 bedrifter som sponsar kampanjen, det blir 700,- pr bygg! Så her er det berre for store og små i heile Vang å finne fram ønska materiale og sette i gang med bygginga! 😊
Desse sponsar byggekampanjen:
- Hemsing Maskin
- Ryfoss Betong
- Tveitabru bygg
- Montér Kvismo
- Vang grave- og transportservice
- Grindaheim bygg og restaurering
- Jotun Bygg
- Vang bygg
- TK-bygg
- Vang Rør
- Jevne Bygg
- Vang maskin
- Øye Bygg & Bo
- Elektromontasje
Byggebonanza på biblioteket
I haustferien set vi fram lego på biblioteket/frivilligsentralen slik at alle som vil kan få bygge.
Lag vaffellunsj
Engasjer arbeidsplassen din ved å lage vaffellunsj, og opprett ein spleis så alle sultne medarbeidarar kan vippse pengar for vaffelen til TV-aksjonen.
Temakveld
Onsdag 16. oktober kl 19 blir det temakveld i auditoriet på VBU, der du kan lære meir om årets aksjon. Temakvelden er ope for alle interesserte, og bøssebærarane blir spesielt invitert.
Marte Tangen på Frivilligsentralen presenterer årets aksjon og aktivitetar i Vang, og vi får eit innlegg frå Kristina Heensåsen, som er leiar i Barnekreftforeningen Innlandet. Enkel bevertning.
Bli bøssebærar!
Sundag 20. oktober er sjølve aksjonsdagen. Registrer deg som bøssebærar på tvaksjonen.no, eller ta kontakt med ein av våre flinke områdeleiarar: Aud Kvale (Øye) Anne Kari Tveit Søndrol (Vang) Sigrid Eggen (Åsvang) og Ingebjørg Høyne (Høre/Ryfoss)
Vi gler oss til å bidra til å sette lys på ei viktig sak, og håper heile Vang blir med på å skape ein flott aksjon i Vang!
Helsing kommunekomitéen:
- Jørand Ødegård Lunde, leiar
- Marte Tangen, koordinator
- Dag Inge Bruflot, næringskontakt
- Agata, skulekontakt
- Anne Kari Tveit Søndrol, fagkontakt
Del på:
Flere nyheter
-
Politikarpraten #7
Har du tankar eller innspel til revidering av dei langsiktige samfunnsmåla for Vang kommune? På politikarpraten måndag 9. desember set vi av to timar, kl 16.30-18.30, for å ta imot innspel til kommuneplanen sin samfunnsdel. Du kan også kome med innspel om andre saker.
-
Vil du gi ei julegåve?
Frivilligsentralen samlar inn julegåver til born på Vang mottakssenter og Vang læringssenter. Vil du bidra?
-
Generasjonstreff med babysang
Det er klart for eit nytt generasjonstreff med babysang på Fjordstøga på Vangsheimen, torsdag 14. november kl 11-13.
-
Programmet for frivilligmarknaden er klart
På laurdag 9. november brakar det laus i Vangshallen når frivillige lag skal vise fram alle dei flotte aktivitetane du kan delta på i Vang!