Di framtid - di helse

Det foregår ei stor utvikling av tenestetilbodet innan helse og omsorg. Velferdsteknologi gir mange nye moglegheiter, og alle som blir gamle i Vang framover vil møte eit tenestetilbod der digitale hjelpemiddel også er ein del av pakka. Difor inviterer Vang kommune til informasjonsmøter slik at både seniorar, komande seniorar og pårørande kan bli kjent med utviklinga som skjer innan helse og omsorg.

Måndag 28. april blir det to like informasjonsmøter, kl. 13-15 og kl. 19-21, i kommunestyresalen på kommunehuset. Alle interesserte er velkomne! På agendaen står følgjande punkt:

• Elina Nesse og Svein Ove Blystad frå helse og omsorg viser stolt fram den nyaste teknologien innan våre tenester til innbyggjarane
• Gode råd og tips frå Valdres brann og redningstjeneste IKS
• Samarbeid med pårørande om å bu trygt heime; eit satsingsområde i framtida
• Kva moglegheiter (støtte) finst i Noreg til tilpassing av bustad
• Bli kjent med mogelege digitale løysingar i heimen

Kaffi og kake. Vel møtt! Helsing Arbeidsgruppa Levande Lokalsamfunn