Idémyldringskveld: Bulyst og møteplassar

Torsdag 10. april inviterer Frivilligsentralen og fleire gode samarbeidspartnarar til idémyldringskveld på Mjøsvang kafé! Vi startar kl. 17 med gratis tacobuffet, og kl. 18-20.30 blir det organisert idémyldring.

Sjølv om det er eit rikt aktivitetstilbod i Vang er det fleire som saknar andre typer møteplassar med særleg fokus på å bli kjent, eller å ha det moro saman utanfor etablerte idretts- og kulturaktivitetar. Dette gjeld både nye vangsgjeldingar og folk som har budd her lenge eller heile livet, som ønskjer seg eit utvida nettverk. Bulyst og trivsel kan også handle om tiltak i den enkelte arbeidsplass, grend eller miljø. Difor inviterer vi no til ein idémyldringskveld der alle som er engasjert i dette kan bidra med sine innspel.

Idémyldringa vil foregå ved at dei frammøtte blir delt i grupper for å snakke om behovet, komme med idéar, og utvikle forslag. Dagleg leiar på Frivilligsentralen, Marte Tangen, leier forsamlinga gjennom kvelden.

Mange er engasjert i denne tematikken og vi trur det blir både morosamt og produktivt å samle alt engasjementet på ein plass, og utvikle nye forslag i fellesskap! For å beregne mat og planlegge kvelden ønskjer vi påmelding seinast dagen før til frivilligsentralen@vang.kommune.no // 46 81 64 73. Velkomen skal du vere!