Programmet for frivilligmarknaden er klart

Kl 12 opnar dørene, og i tre timar er både store og små i heile Vang velkomne til å teste ut aktivitetar, høyre innslag frå kor og korps, og prate med laga som står på stand. Kanskje dei har aktivitetar som passar for nettopp deg?

Ein gjeng med busette flyktningar som får norskundervisning på Vang læringssenter står for maten denne dagen. Dei er godt i gang med å førebu ein stor porsjon borsj (ukrainsk suppe) og kaker, som vil bli til sals for ein billig penge.

- Å planlegge, lage og selje mat til så mange er fin norsktrening og arbeidstrening for denne gjengen, seier Kristin Venås som er leiar for læringssenteret. Ho håpar mange vil kjøpe mat og kake på frivilligmarknaden, og slå av ein prat med dei som står i kassa.

Over 20 lag er også godt i gang med å planlegge sine aktivitetar og stands. Dei håper på godt besøk slik at alle i Vang skal kjenne til det rike aktivitetstilbodet som finst! Slik ser programmet ut:

• Dørene opnar kl 12, og kort tid etter får vi eit opningsnummer med Vangskoret, og ei velkomsttale frå arbeidsgruppa.
• Kl 13:00 bles Fjellblom musikklag i gang med korpsspel.
• Vang gla’dans inviterer alle som vil prøve med i dansen kl 13:30.
• Vangskoret inviterer også nye songarar med kl 14:00.
• Kl 14:30 er det Høre mannskor som syng, og inviterer alle som vil til å prøvesynge.
• Inne i hallen kan alle som vil prøve seg i klatreveggen frå kl 12:30.
• Kl 14.20 blir det stafett med Vang IL. 
• Kulturskulen inviterer til musikkverkstad med Dominic oppe i kulturskulelokala frå kl 13 til 14, der du får moglegheit til å produsere elektronisk musikk og få et innblikk i musikkteknologi.
• Rundt omkring på stand kan du få prøve deg på bridge med Vang bridgelag, FK Vang inviterer til triksekonkurranse og skuddforsøk, Onsdagskaféen sel vaflar og Vang husflidslag legg opp til handarbeidsaktivitetar for alle kreative sjeler. Og mykje mykje meir!

Det blir også satt fram bord og stolar slik at folk kan slå seg ned og skravle med kjente og ukjente. Vi håper å sjå ‘hele Vang’ i Vangshallen på laurdag kl 12 til 15, velkomne skal de vere!

Helsing arbeidsgruppa; Inger og Marte på Frivilligsentralen, folkehelsekoordinator Caroline og Ung i Vang-koordinator Vilde.