-
Vårprogrammet er klart!
Gjer deg klar for kviss, folkedialog, klesbyttedag, trebeskjæringskurs, sykkelmekking og mykje meir!
Haustutstilling i Vang med glaskunstnaren Ida Siebke.
Fredag 6. september kl 18:00 inviterer kunstutvalet til opning av årets haustutstilling med glaskunstnaren Ida SiebkeIda Siebke (f.1991) har dei siste åra markert seg via deltaking på fleire sentrale utstillingar. Ho har blitt kjøpt inn av mellom anna KODE og Nasjonalmuseet, og er tildelt Statens Kunstnarstipend.
Siebke arbeidar først og fremst med glas, eit materiale ho byrja å arbeide med allereie som sekstenåring ved Kosta Glascenter i Småland. Ho trekk gjerne inn andre materiale, som til dømes fugeskum som vi kan sjå i fleire av verka hennar i denne utstillinga.
Den raude tråden i Siebke sitt arbeide er psyken, og ho legg ikkje skjul på at ho tar utgangspunkt i eige liv og erfaring. Ho har tidlegare tatt føre seg tematikk som depresjon, angst og overgrep; tilstandar, kjensler og omgrep som ho omset til konkrete skulpturar i eit ønske om å forminske tabu, og normalisere samtalen
rundt det som kan vere vondt.
Dette seier ho om si eige prosess: «Når eg held i det varme glaset kan eg ikkje sette det frå meg eller sjå på det, eller ta ei pause. Eg er nøydd til å halde det i konstant bevegelse og det blir dermed ei forlenging av meg sjølv. Dette likar eg, og eg elskar korleis det krev heile mitt fokus. Eit fokus eg ikkje finn andre stadar.
Dette gjer meg moglegheit til å gi form til, og konkretisere den abstrakte tanken, kjensla eller sinnstilstanden som eg er i. Eg ser inga avgrensing i glaset utover mine eigne; berre moglegheiter. Og eg freistar å presse både mine og glaset sine grenser inn i den intuitive arbeidsprosessen på same tid.»
Kunstutvalet i Vang ynskjer velkomen til ei spanande utstilling med opning fredag 6. september kl. 18.00. på Vang folkebibliotek.
Kunstnaren vil være til stades. Du vil få høyre Susanne Engelmann på cello, og det blir enkel servering.
Utstillinga vert ståande til 27. september og kan besøkast i biblioteket/frivilligsentralen si opningstid.
Plakatdesign ved Ingrid Wigdel.
Kunstutvalet v/Marianne Isachsen
Del på:
Flere nyheter
-
Julegåvedugnad
Frivilligsentralen samlar inn julegåver til born på Vang mottakssenter og Vang læringssenter. Vil du bidra?
-
Seniortreff i Vang frå januar 2026
Etter initiativ frå eldrerådet og fleire eldsjeler, har arbeidsgruppa Levande lokalsamfunn gleda av å ønske velkomen til Seniortreff på Vangsheimen frå januar 2026!
-
Nominer årets positive vangsgjelding!
Tradisjonen tru vil ordføraren dele ut positivprisen på bokkvelden på Vang folkebibliotek onsdag 3. desember. No kan du nominere din kandidat!
-
Vel blåst TV-aksjon
Tusen takk til alle som har engasjert seg i årets TV-aksjon!!!