-
Referat frå kurset med frivillige lag
18. april 2024 var frivillige lag i Vang samla på biblioteket for eit kurs i styrearbeid. Dei reflekterte over ulike spørsmål, og utveksla erfaringar om ei rekke relevante emner.
Politikarpraten #3
Har du innspel til politikarane i Vang? Velkomen til uformell samtale med representantar frå dei politiske partia i forkant av kommunestyremøta! Politikarpraten #3 blir på Vang folkebibliotek, måndag 10. juni kl 16.30-17.30.Dette er eit initiativ frå kommunestyret i Vang, som ønskjer å vere meir tilgjengelege for innbyggjarane, og få innspel og diskusjon om aktuelle saker. Gruppeleiarane og ordføraren fortel at det av og til blir debattar i avisa og på facebook etter at eit politisk vedtak er fatta, og håper med dette tiltaket at innbyggjarane skal få meir innsyn i kva som rører seg i politikken, og legge til rette for at folk får ytre meiningane sine og stille spørsmål før kommunestyret behandlar sakane.
Saklista til kvart enkelt kommunestyre blir publisert på kommunen si nettside ei veke før kommunestyremøta. På biblioteket kan du også lese den i papirformat. Fleire av partia har sine gruppemøte rett etter Politikarpraten, og då vil dei kunne ta med seg innspela frå innbyggjarane dit. Du kan også kome med innspel om ting som ikkje står på saklista!
Alle er velkomne til Politikarpraten. Biblioteket og Frivilligsentralen byr på pizza til praten – om du har du lyst på ein bit så gi beskjed til biblioteket@vang.kommune.no før kl 12 same dag, slik at vi veit kor mange vi skal bestille til.
Representantane frå Bygdelista, Senterpartiet, Miljøpartiet dei grøne og Arbeiderpartiet ser fram til å samlast på biblioteket og håper mange tek turen for ein prat!
Del på:
-
Møteplassen
Velkomen til nytt treff med felles middag og aktivitetar - torsdag 6. juni kl 15:00 på Mjøsvang kafé!
-
Vesle-vinje 2024
Velkomne til den historiske premiera på Vesle-Vinje! Ein vaskekte barnefestival skipa av Vinjerock, Vang folkebibliotek og Vang frivilligsentral <3 Vesle-Vinje finn sted kring Vangstunet i Vang sentrum, 25. mai 2024 kl 11:30-16:00
-
Nærtur: Historisk vandring på Lerhol
Frivilligsentralen og folkehelsekoordinator, saman med fleire andre, arrangerer nærturar rundt omkring i Vang. Oppdag nye stigar og bli kjent med nye naboar!
-
Generasjonstreff med babysang
Torsdag 16. mai kl. 11-13 er det nytt generasjonstreff med babysang på Fjordstøga, Vangsheimen.