-
Klesbyttedagen 2025
Laurdag 26. april kl. 10 – 14 er det klart for klesbytting på Vang folkebibliotek. Bli med på ei miljøvenleg oppgradering av klesskåpet!
10årsjubileet - for ein fest!
10årsjubileet er vel overstått, og 60 frammøtte bidrog til å gjere dette til ein veldig triveleg kveld <3Vangskoret opna ballet med flott sang. Så kom det talar på løpande band frå dagleg leiar Marte Tangen, kommunalsjef utdanning og kultur Marta Bjørnøy Lalim, vår første styreleiar Carl Philip Weisser saman med noverande styreleiar Kari Hagaseth (som også hadde dikta sang i høve jubileet), og ordførar Vidar Eltun som avslutta med eit dikt.
Så var det kake og mingletid. Frivillige og samarbeidspartnarar stod på 'stands' rundt i lokale og fortalte om våre ulike aktivitetar, og Mjøsvang kafé, Marie Hermundstad og Bjørg Lerhol sørga for eit flott kakebord. Mange hadde også stor glede av utstillinga med bilete frå 10 år med masse variert aktivitet.
Takk til alle som tok del i feiringa saman med oss! Og til Khalid og Maryna som bidrog med uvurderleg rigge-, rydde- og utstillingshjelp. Vi gler oss til dei neste 10 åra :)
Del på:
Flere nyheter
-
Idémyldringskveld: Bulyst og møteplassar
Er du engasjert i å skape gode møteplassar? Har du tankar om aktivitetar du saknar i Vang, eller andre tiltak for at alle skal trivast i bygda vår?
-
Politikarpraten våren 25
Har du innspel til politikarane i Vang? Velkomen til uformell samtale med representantar frå dei politiske partia, måndag før kommunestyremøtene!
-
Ny giv for kommunikasjon og bulyst i Vang
Mange har vore spente på kva som skjer med tanke på blest, inkludering og kommunikasjonsarbeid i Vang etter at Innovangsjon avvikla si drift før nyttår. Frivilligsentralen, kommunen, næringslivet og styret i Innovangsjon jobbar no med fleire ulike prosjekt som rører ved desse viktige emnene. Felles for dei alle er fokus på tilflytting og trivsel i bygda vår.
-
Digi-hjelp på Haukåsen
Våre frivillige digi-vertar hjelper deg med dine digitale utfordringar! Neste treff er tysdag 18. februar kl 12-13 på Haukåsen strikkekafé.