-
Politikarpraten #2
Har du innspel til politikarane i Vang? Velkomen til uformell samtale med representantar frå dei politiske partia i forkant av kommunestyremøta!
Oppsettet for foreningsportalen er klart!
Så snart lag og foreningar har lagt inn sin informasjon, er vi klare for lansering.I mai 2021 hadde vi det første innspelsmøte der laga sjølv kom med ønskjer om betre koordinering av info digitalt, så vi gler oss veldig over at vi snart er klare for lansering. Foreningsportalen er eitt av fleire tiltak i prosjektet inkluderande frivilligheit.
Foreningsportalen kjem til å bli eit veldig godt verktøy der folk i Vang kan finne informasjon om laga og deira aktivitetstilbod. I tillegg blir det enklare for frivilligsentralen, Innovangsjon og kommunen å halde oversikt og kommunisere med laga.
Portalen innheld mangle fleir lag enn dei frivilligsentralen har hatt i sitt register før, som grunneigarrelaterte lag, politiske parti, hyttevelforeingar mm. Dette er henta frå Brønnøysundregisteret. Arbeidsgruppa meiner at det er ei styrke at portalen viser breidda i foreningslivet, og blir ein relevant informasjonsplass for flest mogleg. Portalen er inndelt i kategoriar og geografiske områder, og vi har etter beste evne prøvd å kartlegge kontaktpersonar hos alle. Om nokon meiner seg feilplassert er det enkelt å endre, og inaktive lag kan vi fjerne frå portalen.
Portalen blir plassert på vangivaldres.no, og aktivitetane i kalenderen på vangivaldres.no skal også lenkast til og frå portalen. Det er forankra i kommunen at foreningsportalen skal vere den einaste sida i Vang der samla kontaktinfo over laga ligg, slik at det ikkje er fleir ulike register å halde oppdatert. (Dette gjeld først og fremst dei aktivitetsbaserte laga. Når det gjeld grunneigarlag o.l. har vi ikkje enno kartlagt kva for registrer som finst og avklart kor det eventuelt blir ein overlapp.)
Vi gler oss til å snart nå målet vårt om ein god digital plattform der alle kan finne informasjon om alt som foregår i kommunen vår – til nytte for både laga, oss som jobbar med frivilligheita, og nye og gamle innbyggjarar!
Kontaktpersonane i laga er tilsendt epost med lenke til å redigere informasjon om eige lag.
Del på:
-
Ferskingkurs i friluftsliv
Ønskjer du å vere meir ute i naturen? Treng du ei oppfrisking i friluftsliv, eller du vil lære deg korleis bruke kart og kompass, primus, eller effektiv båltenning? DNT Valdres, Vang frivilligsentral og Vang turlag inviterer til ferskingkurs i friluftsliv, 4 måndagskveldar i april og mai.
-
Klesbyttedagen 2024
Laurdag 27. april kl. 10 – 14 er det klart for klesbytting på Vang folkebibliotek!
-
Frivilligsentralen inviterer frivillige lag i Vang til kurskveld
Mange aktive lag skapar mykje liv og røre i bygda vår. Å sitte i eit styre i eit frivillig lag kan vere veldig givande og lærerikt, det kan også by på nokre utfordringar. Korleis få til god arbeidsfordeling? Korleis synleggjere aktivitetane sine? Korleis kan ein forenkle regnskapsarbeidet? Og korleis rekruttere nye styremedlemmer?? Torsdag 18. april kl 18-21 inviterer vi laga til Vang folkebibliotek for å utveksle erfaringar og få innspel om dette og meir til.
-
Påske
💛Frivilligsentralen tar no ferie og held stengt heile påskeveka.