Inkluderande frivilligheit

Ei arbeidsgruppe beståande av folkehelsekoordinator, flyktningetenesta, frivilligsentralen og Innovangsjon SA, ville ta grep for at fleir av dei som pr i dag ikkje deltar på fritidsaktivitet eller bidreg i frivilligheita i Vang, skulle få mogelegheit til nettopp dette. Frivillighetens år var utgangspunktet, men prosjektet pågår framleis.  

Vi starta med å sjå på status og behov for ulike innvandrergrupper i Vang, men resultata er overførbare til også andre målgrupper, og vi jobbar med at prosjektet skal treffe alle som av ulike grunnar ikkje deltek.

27. mai 2021 var frivillige lag og representantar frå ulike innvandrargrupper i Vang samla for å kome med innspel til arbeidsgruppa: referat innspelsmøte#1 27.5.21 inkluderande frivilligheit

Ut frå innspela som kom fram jobba arbeidsgruppa vidare med å konkretisere og søkt prosjektmidlar til ulike tiltak. 30. september 2021 samla vi igjen frivillige lag for å jobbe vidare med tiltaka: referat innspelsmøte#2 30.09.21 inkluderande frivilligheit

Basert på innspelsmøta vart tre tiltak definert: 

• frivilligmarknad - gjennomført april 2022
• foreningsportal - publisert desember 2022
• presentasjonar av laga - over 30 lag er presentert i 2022/2023, og alle presentasjonane er samla i magasinet Frivilligheit og fritidsaktivitetar i Vang som vart sendt ut i alle postkasser i desember 2023. (For best mogeleg visning: trykk på 'sidevisning', velg 'tosidig' og 'vis forside separat')

Status i prosjektet

Evalueringane etter frivilligmarknaden var at laga ønskjer å gjennom føre dette annankvart år, gjerne bytte mellom vår og haust. Neste marknad er difor tenkt hausten 2024.

Foreningsportalen er stadig under utvikling, med nye funksjonar på veg og meir info lagt inn. Portalen er kobla til kalenderen på vangivaldres.no