-
Ferskingkurs i friluftsliv
Ønskjer du å vere meir ute i naturen? Treng du ei oppfrisking i friluftsliv, eller du vil lære deg korleis bruke kart og kompass, primus, eller effektiv båltenning? DNT Valdres, Vang frivilligsentral og Vang turlag inviterer til ferskingkurs i friluftsliv, 4 måndagskveldar i april og mai.
Vårprogrammet 2021 er lansert!
Denne våren er det utfordrande å vite kva vi kan gjennomføre. Difor presenterer vi våre faste aktivitetar, samt nokre av arrangementa vi ønskjer å få til - men der ikkje alle datoar er spikra.Her kan du laste ned vårprogrammet 2021
Nytt av året er ein datakafé, som vi startar opp måndagar etter vinterferien. Her blir det ulike tema, og vi skal gjere vårt beste for å hjelpe deg med alle mogelege digitale utfordringar du måtte ha.
Vi startar også opp eit teiknekollektiv, sparka i gang med ein teikneseriekveld – for vaksne. I tillegg held vi på dei opne måndagslunsjane våre, Niste med noko attåt, og norsktimen med Elisabeth Sparstad og lekseklubben er allereie godt i gang.
Pr no kan vi samle opp til 10 personar. Vi har planar om å gjennomføre både vinterferieaktivitetar, ein konsert med Trio Gyllesvärd, eit verkstad for debattleiing og fleire litt større arrangement utpå våren, men det må vi vurdere fortløpande ettersom korleis smittevernreglane endrar seg. Krimtips til påske skal de uansett få, fysisk eller digitalt, og litt sykkelmekking i friluft reknar vi med går i orden.
På arrangementa vil det vere avgrensa plassar. Vil du sikre deg plass: meld deg på til biblioteket eller frivilligsentralen. Velkomen skal du vere!
Kontaktinfo biblioteket:
61 36 94 26 // biblioteket@vang.kommune.no
Kontaktinfo frivilligsentralen:
61 36 94 25 // 46 81 64 73 // frivilligsentralen@vang.kommune.no
Del på:
-
Klesbyttedagen 2024
Laurdag 27. april kl. 10 – 14 er det klart for klesbytting på Vang folkebibliotek!
-
Frivilligsentralen inviterer frivillige lag i Vang til kurskveld
Mange aktive lag skapar mykje liv og røre i bygda vår. Å sitte i eit styre i eit frivillig lag kan vere veldig givande og lærerikt, det kan også by på nokre utfordringar. Korleis få til god arbeidsfordeling? Korleis synleggjere aktivitetane sine? Korleis kan ein forenkle regnskapsarbeidet? Og korleis rekruttere nye styremedlemmer?? Torsdag 18. april kl 18-21 inviterer vi laga til Vang folkebibliotek for å utveksle erfaringar og få innspel om dette og meir til.
-
MØTEPLASSEN
Torsdag 11. april kl. 14 ønskjer vi velkomen til nytt treff med felles middag og aktivitetar! Denne gongen møtast vi på Mjøsvang Kafé.
-
Påske
💛Frivilligsentralen tar no ferie og held stengt heile påskeveka.