-
Ferskingkurs i friluftsliv
Ønskjer du å vere meir ute i naturen? Treng du ei oppfrisking i friluftsliv, eller du vil lære deg korleis bruke kart og kompass, primus, eller effektiv båltenning? DNT Valdres, Vang frivilligsentral og Vang turlag inviterer til ferskingkurs i friluftsliv, 4 måndagskveldar i april og mai.
Styreleiar for Norges frivilligsentraler
Marte Tangen er nett valt til ny styreleiar for Norges frivilligsentraler, som organiserer så godt som alle frivilligsentalane i landet.(Saka er skriven av Hallgrim Rogn, og ligg pubilsert på vangivaldres.no)
Skal jobbe både lokalt og nasjonalt
– Eg er både audmjuk og stolt over å få dette vervet, og skal gjere mitt beste for å jobbe med dei gode kreftene i organisasjonen for å styrke både frivilligheita i Noreg og frivilligsentralane sin posisjon, fortel Marte Tangen.
1. november vart det digitale årsmøte i organisasjonen avslutta og no byrjar arbeidet som styreleiar. Tangen har engasjert seg i organisasjonen i fleire år, men har ikkje sete i landstyret før. Vervet inneber ei rekke organisasjonsoppgåver som ho ikkje har all verdas erfaring med, og ho var fyrst litt tvilande til forespørselen frå valkomieteen.
– Etter kvart kom eg fram til at ein får jo aldri ny erfaring om ein ikkje tørr prøve noko for fyrste gong, og etter gode samtaler med både mine støttespelarar lokalt og sentrale personar i organisasjonen, valte eg å takke ja. No er eg veldig gira på å bidra med det eg kan, og å lære mykje nytt!
Tangen har vore regional nettverksleiar i fleire år og engasjerte seg mellom anna tungt i kampen for vidare finansiering av alle frivilligsentralene, som vart vunne i vår.
– Den runden syner at påverknad og lobbyverksemd for gode saker kan fungere, noko som er godt å ta med seg inn i styreleiarrolla.
Nesten alle med
Administrasjonen til organisasjonen held til i Kristiansand og teller tre personar. Dei er involvert i ei rekke prosjekt, mellom anna Leve heile livet-reformen, frivillighetens år 2022, samarbeid med søsterorganisasjonar i andre land og mykje meir. Av landets 469 frivilligsentralar er 455 med i forbundet Norges Frivilligsentraler. I landsstyret sit 10 representantar frå heile landet – som enten er daglege leiarar, styremedlem eller frivillige i sin lokale sentral.
– Dei møteplassane og den aktiviteten frivilligsentralane står for i Noreg er viktigare enn nokon gong etter at pandemien kom. Vi treng desse arenaene for å møtest, og å hjelpe kvarandre i ei vanskeleg tid, meiner Tangen.
– Det å få moglegheiten til å bidra som frivillig og vera ein ressurs, er viktig for både den som får hjelp og for den som bidreg. Det styrker både tilhøyrlegheit, integrering, livsmeistring og folkehelse!
Ny medarbeidar inn i Vang
Tangen held fram som dagleg leiar ved Vang frivilligsentral, men er kjøpt ut i 20% til å jobbe som styreleiar nasjonalt.
– Det gjer det langt lettare å takke ja til vervet, og betyr i praksis at vi tilset ein medarbeidar i 20 % stilling her. Denne skal fyrst og fremst arbeide med BUA-konseptet der vi skal låne ut diverse utstyr. Oppgåvene får vi definere i fellesskap, ut frå korleis BUA utviklar seg, og kor langt tida strekk til. Eg gler meg til å få ein ny kollega å spele på lag med! fortel Tangen.
Del på:
-
Klesbyttedagen 2024
Laurdag 27. april kl. 10 – 14 er det klart for klesbytting på Vang folkebibliotek!
-
Frivilligsentralen inviterer frivillige lag i Vang til kurskveld
Mange aktive lag skapar mykje liv og røre i bygda vår. Å sitte i eit styre i eit frivillig lag kan vere veldig givande og lærerikt, det kan også by på nokre utfordringar. Korleis få til god arbeidsfordeling? Korleis synleggjere aktivitetane sine? Korleis kan ein forenkle regnskapsarbeidet? Og korleis rekruttere nye styremedlemmer?? Torsdag 18. april kl 18-21 inviterer vi laga til Vang folkebibliotek for å utveksle erfaringar og få innspel om dette og meir til.
-
MØTEPLASSEN
Torsdag 11. april kl. 14 ønskjer vi velkomen til nytt treff med felles middag og aktivitetar! Denne gongen møtast vi på Mjøsvang Kafé.
-
Påske
💛Frivilligsentralen tar no ferie og held stengt heile påskeveka.