-
Ferskingkurs i friluftsliv
Ønskjer du å vere meir ute i naturen? Treng du ei oppfrisking i friluftsliv, eller du vil lære deg korleis bruke kart og kompass, primus, eller effektiv båltenning? DNT Valdres, Vang frivilligsentral og Vang turlag inviterer til ferskingkurs i friluftsliv, 4 måndagskveldar i april og mai.
Haustprogrammet er klart!
Badstovekveld, forteljarkurs, jordbruksdebatt og sykkelforedrag med Makken - det er nokre av godbitane du kan få med deg i haust på folkebiblioteket og frivilligsentralen i Vang.Det er altid veldig stas, og litt nervepirrande å lansere programmet for sesongen, og vi håper det inneheld noko for ein kvar smak. Husflidslaget inviterer til handarbeidsverkstader for ungar, og mållaget ber til dialektkveld. I tillegg blir det aktivitetar i haustferien, og studiegruppe for dei som les til teoriprøva. Den tradisjonsrike bokkvelden er sjølvsagt på plass, det er også fleirkulturell julelunch som vi hadde stor suksess med i fjor. Årets haustutstillar er Monica Winther, i tillegg kan du sjå ei H. C. Andersen-utstilling i delar av september/oktober. Frivilligsentralen inviterer også til dialogmøte om frivilligheita i Vang, og aller først ut på haustens program er eit besøk av Klovnen Knut når vi avsluttar årets sommarleskonkurranse.
Du kan laste ned heile programmet her: haustprogram 2018
Og hugs - alt er gratis og ope for alle. Velkomne til ein kulturell haust i Vang!
Del på:
Flere nyheter
-
Klesbyttedagen 2024
Laurdag 27. april kl. 10 – 14 er det klart for klesbytting på Vang folkebibliotek!
-
Frivilligsentralen inviterer frivillige lag i Vang til kurskveld
Mange aktive lag skapar mykje liv og røre i bygda vår. Å sitte i eit styre i eit frivillig lag kan vere veldig givande og lærerikt, det kan også by på nokre utfordringar. Korleis få til god arbeidsfordeling? Korleis synleggjere aktivitetane sine? Korleis kan ein forenkle regnskapsarbeidet? Og korleis rekruttere nye styremedlemmer?? Torsdag 18. april kl 18-21 inviterer vi laga til Vang folkebibliotek for å utveksle erfaringar og få innspel om dette og meir til.
-
MØTEPLASSEN
Torsdag 11. april kl. 14 ønskjer vi velkomen til nytt treff med felles middag og aktivitetar! Denne gongen møtast vi på Mjøsvang Kafé.
-
Påske
💛Frivilligsentralen tar no ferie og held stengt heile påskeveka.