Kurset er ein del av frivilligsentralen sitt fokus på mestring og læring i 2020. Leif Øyvind har jobba som skredobservatør for snøskredvarslingen sidan oppstarten i 2013, i tillegg har han vore snøskredvarsler og «skredsprenger» for Wyssen Avalance Controll. Han held fleire slike kurs i Valdres denne vinteren.

- På kurset tar vi for oss turplanlegging og gjennomføring av ein topptur. Kva må vi ta hensyn til i forkant, kvar finn vi informasjonen vi treng, korleis les og tolkar vi snøskredvarselet på varsom.no, og korleis skal vi opptre underveis på turen, seier den engasjerte kurshaldaren. I tillegg lovar han nokre utstyrstips for ein fin og sikker tur, og gode rabattar på skredutstyr og skisekkar til deltakarane.

Kurset er gratis og ope for alle!